sexta-feira, 8 de janeiro de 2016

Hunsrickische Witztja

ASCHEMITTWOCHSERKLEERUN

            Fria, wie die Lehra um aach di Kinna noch unschulldicha wohre, do hon die Lehra imma sich voagenomm de Kinna Alles richtich se erkleere. Net blos dat was voagesrip woa vun de Schuhlgemeinde, awa aach dat wo ma so wie en gute Krist wisse musst.
Do woa doch dann groat mo Aschemittwoch, un de Lehra wollt mol de Kinna de richtiche Sinn vun dem Staub klar mache; dat woa man so soat: “Gedenke, dass du aus Staub bist, und…” un hot dann mo dodriwa parlamentiat. Uff emol hot er dann mo gefrot: “Lukasje, wann kann ma sich denke dass mea all aus dem Staub vun de Erde komme?” Dat Lukasje hot net lang do driwa noogedenkt, hot mol gleich geantwort: “Ei wenn ma so aus dea Geprentmillieross komme wo ma de ganze Toach geputz hann. Dann wenn ma sich an die Been guckt, dann kann ma das jo verstehen, do is de Stoob so dickt dat die Been ganz schwatz sin – un so bleiwe se noch Toche lang!”
So wor es in annere Zeite. Die Lei hon vielmea mittgemach, awa wohre doch noch viel unschuldicha un aach lusticha. Gute Zeite!
Gloabsmário


RELICHIONSUNNARICHT

            Dea Pastoa in de Relichionsunnaricht hat dem kleine Lisje die Froche gestellt: “Warom hat dea liewe Aufastendeneheiland zu de Maria Madalena geschreit: ‘Rühre mich nicht an’?”. Dat kleine Lisje, wo groat aus dem Bet gekomm is, un noch tormlich woa, hot geantwort: “Ach, weil er doch blos uffgestann woa, un noch getormelt hat”.
Jeder tut vun seine Stelle dei Religiesichesache sien.

Glabsmário

Nenhum comentário:

Postar um comentário