JAKOBUS MAJOR
Fria is doch mo passiat dat mo so en Kolonist von unse
deitsch-brasilionische Kolonie im die gross Stadt kum is. Dat wo jo doch imma en
Freit wen Jimand die Gelechenheit hot un kunt mo raus, bisje unna die Leit.
Um dat wo so: No dem ea sei Geschefte abgemach hot, do horra
mo gedenkt jetz kent ea ach mo die Kerich besuche gehen. Oje, so en gross un
schen Kerich hot ma jo gonet im Land gekent. Dan mo hin um rin. Alles mo
boguckt un gestaunt: “Was ma do net Alles schenes sien kan!” Bisje gebet, un
die Runde is weita gang. Dan uff emol hot de Baua mo die Apostelstatue
oangeguckt. Dat wore werklich schene Figure. Bei Jedem hat de Nome do gestan:
Petrus, Andreas um so weita. Awa uff emol is doch mo was komisches uffgefall,
un ea hot ach gleich mo de Mann wo do gestan hot um uffgepast, gefroht: “Na,
soch doch mo: woa dann de Jakobus (Tiago) en Soldot? Das wuscht ich doch noch net”. “Ja
warum meint ihr das?”, antwatet de Man. “Ei, do steht doch ‘Jakobus Major’”.
(Jakobus Major heist uff Latain
so viel wie in brasilianisch “Tiago Maior”; awa dat wusst halt unsa orme Baue
net!).
Glaabsmário.
Nenhum comentário:
Postar um comentário