De
Besoffne Schwong un de Giltiche Nochba
Bei uns in de Kolonie hon doch di Leit sich all gut
gekent. Jeda wuscht wie die ganz Geschicht abloofe tut bei de Nachbaschafft.
Wen mo was bisje komisches voa komm is dan is es jo gleich in dem ganz Pikot vazehlt
gebb. So en ganz Wuch is die Gechichte in alle Ecke gesproch gebb. Emol woa
doch mo de Schwong in dea Leit erre Quatsch komm. So wor es:
De Schwong wo doch
schun bekant bei dem Volk weil er so ohrich tief in das Gloos geguckt hat – so
viel Schnaps gesoff hot. Do is dan mo passiert dass de Schwong owents hem komm
is un hat de Kaneca voll! De orem Mann hat do gestan voa de Tea mit dem
Schlissel in de Hand, hot awe einfach dat Schlisselloch net getroff. Dat hat so
gang wie wenn es imma ausreisse wolt. Hin um hea. Do is dan uff emol de Nochba
dezu komm. “Na, was is dann, Schwong?” hot de gefrot. “Sol ich dich mol helfe
de Schlissel in das Schlisselloch schiewe?” “Nee!” sot de Schwong, “wen’s du
mich helfe willscht, hal dan besse mo das Haus fest. Das tut sich doch imme so
beweche!”. De Nochba wollt jo blos giltich sem, awa es hat net pariert. Die
Leit hon sich lechlich demit gemach.
Glaabmário
Nenhum comentário:
Postar um comentário