Hunsrikisch.

 

WORME TOCHE

 

Dea liewe Leid noch mol, iss das die letzte Zeite en wormes Wetta. Do wetz em jo bald schlecht. Ma schwitz Toach um Nacht; um dann noch extra wenn ma in die Plantosch Maniok putze muss gehen. Sowas kinne die Stettaleid gonet bokeppe. Naja, die Menschheit tut jo die ganz Natur vorsaue. Alles wet ausgenutz un de Wald tunse als mea weckmache. Das kommt noch so weit des ma nemme lewe kinne. Traurich, awa woa. Naja, wolle mea uns uffpasse, viel Wassa trinke un net so ohrich in de Sunn bleiwe so um die Mittachzeit.

Um jetz winsche ich alle gute Leid en frehlich Weihnachte, mit Gesundheit um Friede. Dass das Jesuskind en offnes Hetz in uns all oantrefft. Um gutes Neijoha. Glaabmario.