Hunsrickischgeschitje

DAT KLUCHE MEDCHE

Friha wie die Missionere, wense Mission gehal hon, die Leit so aussenanna gemach hon, uff eemol blos die Menna, annamol de Frohleit, dan die Kurissade un ach dan die Medcha, do woa groat mo son Predicht fa die junge un gekiche Medde. Dea Podda Missionea hot sich mii gemach fa was enstes voa se brenge. Hot dan mo sei Biwel genom un dat Stick aus dem Evangelium vun dea kluche un von dea varickte Jungfraue voagelest. Hot es ach richtich ausgeleht. Wie ea fertich woa is horra gefrot: “Ei liwe Med, was fa en Lehre kent iha do raus hohle?”

Dat Lisbethche hot dan mo net lang dorum gemach, un hot auspossaunt: “Ei ma muss imme richtich un gut fa de Brautigam bereitich sen, wen es ach in de Nacht sin soll!”.

Naja, jeder kann sich jo denke was ea will; awe die Weiwa teere sich gleich de Rest schun denke. Un dea wea net das Beste fa oanstenniche Leit. Fa die Weiwa vieleicht doch!

Glaabmário

www.marioglaab.blogspot.com.br